පොලොස් ඇඹුල

 

පොලොස් ඇඹුල

ගමේ තාලයට පොලොස් ඇඹුලක් සාදාගන්නා ආකාරය අද අප විමසා බලමු.

අවශ්‍ය ද්‍රව්‍ය

පොලොස් ගෙඩි 1
බැදපු දුරු කුඩු මේස හැදි 2
ගා ගත් පොල් මේස හැදි 2
කැකුළු හාල් මේස හැදි 1
පොල් මිටිකිරි කෝප්ප 2
පොල් දිය කිරි කෝප්ප 2
ගොරකා කැබලි 2
තක්කාලි ගෙඩි 1
කහ කුඩු තේ හැඳි 1/2
රතු ළූණු ගෙඩි 15
සුදු ළූණු බික් 6
රම්පෙ, කරපිංචා
ගම්මිරිස් තේ හැඳි 1
උම්බලකඩ මේස හැඳි 2
ලුණු, කුරුදු පොතු
ඉඟුරු ස්වල්පයක්

සාදන ක්‍රමය

පොලොස් ගෙඩිය පොතු හැර අවශ්‍ය පරිදි කැබලි වලට කපා ගන්න. එයට වතුර ටිකක් දමා හොදින් තැම්ඹෙන තෙක් ලිපෙහි තබන්න. මෙය තැම්ඹෙන අතරේ හාල් සහ ගා ගත් පොල් දුඹුරු පැහැ වන තෙක් බැද අඹරා ගන්න.

ඉන් පසුව ඇතිලියක් ගෙන එයට තෙල් මේස හැදි කීපයක් දමා රත්වුන විටදී සුදුලූණු සහ ඉඟුරු ස්වල්පයක් දමා රන්වන් පැහැය වන තෙක් බැදෙන්න දෙන්න. බැදුනු පසුව රන්පේ සහ කරපිංචා එකතු කරන්න. ඉන් පසුව සිහින්ව කපාගත් ලොකු ලූණු, බැදපු දුරු කුඩු, ගොරකා, කහ, රතු ළූණු, තලා ගත් සුදු ළූණු ස්වල්පයක්, ගම්මිරිස්, බැදපු මිරිස් සහ ලුණු ඇතිළියට දමා හොඳින් මිශ්‍රකර ගන්න. ඉන්පසු එයට තම්බා ගත් පොලොස් එකතු කරන්න. නැවත හොදින් මිශ්‍රකර දිය කිරි කෝප්ප දෙකක් දමා හොදින් බුබුලු දමමින් විනාඩි පහක් තැම්ඹෙන්න දෙන්න. එය තැම්බෙන විට මිටිකිරි කෝප්ප 3 දමන්න. දැන් ගින්දර හැකිතරම් අඩුකරන්න. එහි මිටිකිරි හිදී තෙල් පෑදෙන තුරු පිසෙන්නට හරින්න.

වැදගත් කරුණු

අවශ්‍ය නම් එනසාල්, කරාබුනැටි ද එක් කල හැක.