රට ඉඳි පුඩිම

කාර්ය බහුල ජීවිතයක් ගෙවන අපට, පවුලේ සැවොම සමඟ එක්ව කෑම වේලක් ගන්නට ලැබෙන්නේ සති අන්තයක නැතිනම් නිවාඩු දිනයක පමණයි.

අවශ්‍ය ද්‍රව්‍ය

ඇට හැර චොප් කරගත් රට ඉඳි කෝප්පයක්
ආප්ප සෝඩා තේ හැඳි 1/2
දුඹුරු සීනි කෝප්ප 1/2
බටර් ග්‍රෑම් 90 ක්
වැනිලා තේ හැන්දක්
බිත්තර 2 ක්
පිටි කෝප්පයක්
අයිසින් සීනි අවැසි නම්
තැටියක් (බේක් කර ගැනීමට)

අපි හදමු

පළමුව අවන් එක සෙ.අ. 180 උණුසුම් කරගන්න. ඇට ඉවත් කර තලාගත් රට ඉඳි වලට ආප්ප සෝඩා දමා ඊට උණුවතුර කෝප්පයක් දමා මෘදු වන්නට හරින්න. බටර් සහ සීනි එකට දමා හොඳින් ගසා ගන්න. දැන් එයට වැනිලා එකතු කර ඊටම බිත්තර ද, ඊට පසු පිටි ද දමා හොඳින් කලවම් කරගන්න. (තට්ටු කරගන්න)

දැන් රට ඉඳී ඉහත මිශ්‍රණයට දමා ජලය ස්වල්පයක් සමඟ මිශ්‍ර කර හොඳින් තට්ටු කරගන්න. දැන් මෙම මිශ්‍රණය තැටියක දමා විනාඩි 50 ක් හෝ පැයක් පමණ බේක් කර නිවුණු පසු කෑලි කපා අයිසින් සීනි අතුරා ආහාරයට ගන්න.